Gjermania injoron thirrjen e Rusisë, miraton dërgimin e tankeve “Leopard” në Ukrainë

Qeveria gjermane ka miratuar dërgimin e tankeve “Leopard 1” në Ukrainë nga stoqet industriale dhe është në bisedime për blerjen e 15 tankeve Gepard nga Katari për t’i dërguar në Kiev.

Dorëzimi i tankeve “Leopard” në Ukrainë mund të ndodhë në çdo kohë pasi tanket të riparohen, shkruan Reuters.

Kompanitë Rheinmetall dhe Flensburger Fahrzeugbau Gesellschaft janë gati të rilokojnë dhjetëra tanke “Leopard 1” në mënyrë që t’i dorëzojnë ato në Ukrainë për të luftuar pushtimin rus.

I prezantuar për herë të parë në shërbim në vitet 1960, “Leopard 1” është paraardhësi i “Leopard 2”, i cili është i vendosur gjerësisht në ushtritë e të gjithë Evropës.

Muajin e kaluar, Gjermania ra dakord të dërgonte tanket e saj në Ukrainë pas javësh presioni nga Kievi dhe aleatët e saj evropianë.

Sipas ligjit gjerman, Berlini duhet të miratojë eksportin e tankeve edhe në rastet kur vendet e tjera që i kanë blerë duan t’i rieksportojnë.

LEXONI GJITHASHTU

• NATO ngre alarmin: Rusia po shkel traktatin e armëve bërthamore. Apeli i SHBA-ve
• VIDEO/ SHBA-të në alarm, tullumbacja kineze e spiunazhit vëzhgon fushën bërthamore
• Ish-bashkëpunëtori i Putinit: Lufta është e humbur, ekonomia ruse është në kolaps