Gjinekologia: Aborti ilegal mund të jetë fatal në 90% të rasteve

Gjinekologia Meral Yzeiri Ferati tha në një intervistë për “Goodmorning Albanians” në Euronews Albania se në 90% të rasteve aborti ilegal mund të jetë fatal për jetën e vajzës.

Duke përjashtuar spitalet shtetërore që ndjekin një protokoll, ajo tha se spitalet private bëjnë ndërprerje të shtatzënisë, por ajo është e evidentuar dhe është legale. Ajo që është jo ligjore është aborti në institucione që nuk janë të kualifikuara.

“Ne i quajmë ato si aborte ilegale ose kriminele. Këtu është ajo pjesë ku duhet të vëmë theksin, që të mos arrihet deri këtu; sepse mos të them 100%, por 90% të rasteve mund të mbarojnë fatalisht për pacientin dhe kjo, sepse bëhen në kushte jo të përshtatshme dhe mund të realizohen nga persona jo të kualifikuar,” – u shpreh gjinekologia.

Shkalla e shtatzënisë së paplanifikuar tek adoleshentët në Maqedoninë e Veriut është 11% dhe është një nga më të lartat në Evropë. Për më tepër, shkalla e lindjeve te të miturat është 15.7 në 1000, që është pothuajse tre herë më e lartë sesa mesatarja prej 6 në 1000 lindje për vendet e Bashkimit Evropian.

LEXONI GJITHASHTU:

• Rekord i të miturave që ngelin shtatzënë në Maqedoninë e Veriut
• Gjinekologia: Djemtë nuk pranojnë të përdorin mjete mbrojtëse gjatë seksit