Gjinekologia kundër aktores që u bë nënë 68 vjeçe: Nuk do ketë fuqi ta rrisë

Aktorja që u bë nënë 68 vjeçe me anë të një nëne surrogate ishte tema e diskutimit këtë të premte në  “Good Morning Albanians”. E ftuara në emision, gjinekologia Enriketa Kroi tha se të bëhesh nënë në moshën 68-vjeçare ë e  tepruar pasi duhet menduar edhe mirëqenia e fëmijës.

Sipas saj aktorja spanjolle e ka bërë këtë për shkak të hidhërimit të madh, por nuk do ketë mundësi ta rrisë si duhet vajzën e ardhur në jetë.

“Mosha 68-vjeçe ë pak e rëndë edhe nga ana psikologjike, se ai fëmijë do lind, por kush do kujdeset për të? se tani unë jam pak më praktike, kur ajo të shkoj 10 vjeçe  zonja do jetë 78, kur të shkoj 20… Varet sa me këmbë e me dorë do jetë, sa e aftë do jetë për ta rritur fëmijën. unë mendoj se edhe ajo e ka menduar, por në hidhërim të thellë e ka bërë”,-tha për Euronews Albania, gjinekologia Enriketa Kroi.

LEXONI GJITHASHTU:

• Pano: Nënat surrogate, një nga bizneset më fitimprurëse aktualisht
• Nëna lind fëmijën me spermën e djalit të vdekur, Linda Pano: Ky është incest