Gjinekologia: Vërtetohet nëse foshnja u vra para se nëna ta hidhte në lumë

Gjinekologia Enriketa Kroi ishte mëngjesin e kësaj të mërkure në “Good Morning Albanians” në Euronews Albania ku tha se mund të vërtetohet në rast se 42-vjeçarja Leta Koçi e ka lindur foshnjën të vdekur, apo e ka vrarë para se ta hidhte në lumin e Tapizës.

Ajo tregoi se në dy rastet ka simptoma krejt të ndryshme ndaj ekspertiza mjekoligjore mund ta vërtetojë lehtësisht këtë.

“Nëse bebi ka vdekur brenda barkut të nënës dhe ka lindur i vdekur, kjo kuptohet që në momentin që lind sepse bebat lindin të manceruar. Këta beba kanë shenja kalbjeje në trup.

Kanë ekimoza, bebi merr ngjyrë mavi ose është i bardhë si mermer dhe vënde-vënde ka  shkëputje të mishit, këto janë shenja kalbeje dhe kuptohet menjëherë, kjo ndodh kur vdekja ka ardhur mbi 3 ditë më parë në barkun e nënës. Pastaj nëse bebi është vrarë apo është mbytur para se të hidhej në lumë, kjo kuptohet se ka shenja hematomash”,-tha gjinekologia Enriketa Kroi.

LEXONI GJITHASHTU:

• Mjeku: Gruaja rrezikon trombozën në shtatzëni, pas lindjes ose nga abortet
• “Burri i 42-vjeçares që hodhi fëmijën punonte larg shtëpisë”-gazetarja: Ja çfarë tha