Mjeku: Gruaja rrezikon trombozën në shtatzëni, pas lindjes ose nga abortet

Një mpiksje e papritur e gjakut mund të çojë në probleme serioze dhe madje edhe në vdekje. Në një arterie e bllokuar mund t’ju shkaktojë një atak në zemër ose një goditje në tru. Nëse ndodh në venë, mund të ndjeni dhimbje dhe ënjtje.

Sotiraq Lako, hematolog tha në emisionin GoodMorning Albanians në Euronews Albania se gratë janë më të rrezikuara nga tromboza në shtatzëni, pas lindjes ose nga abortet.

“Faktor për trombozën është shtatzënia dhe periudha pas lindjes, një grua që bën disa aborte spontane kur bën testet e mpiksjes së gjakut shikon që ajo ka çrregullime të lindura ose të fituara por që në gjithë jetën e vet s’i ka ndodhur asnjë lloj problemi, por kur hyn në shtatzëni, që favorizon trombozën aty shfaqet në formën e një aborti spontan, lindjes së parakohshme, trombozës. Edhe periudha pas lindjes favorizon trombozën ndaj në të tilla raste përdorim frofilaksi. Shtatzënia është inflamacion se fëmija ka gjysmën e kromozomeve nga nëna dhe gjysmën nga babai, ndaj për nënën është një trup i huaj”, tha mjeku.

LEXONI GJITHASHTU:

• Hematologu: Shpohet veshi i pacientit për të provuar sa zgjat gjakderdhja
• Mpiksja e gjakut, problem i përhapur që rrezikon dhe jetën…