GJKKO kalon për gjykim dosjen në ngarkim të Erion Veliajt

Gjykata e Posaçme kaloi për gjykim dosjen në ngarkim të Erion Veliaj. Gjyqtarja Etleva Deda shpalli vendimin mesditën e së hënës.

Kryebashkiaki i Tiranës nuk ishte i pranishëm në Gjykatë ndryshe nga herët e tjera, duke pasur parasysh që ai kërkoi përjashtimin e gjyqtares Etleva Dedaj nga kjo çështje duke pretenduar se po i hiqte motivacionin për t’u mbrojtur.

Gazetari Eni Ferhati raportoi se gjyqtarja Etleva Dedaj përpara se të shpallte vendimin, ka lexuar për palët edhe vendimin e një gjyqtari tjetër të GJKKO, Gjyqtari Bib Ndrecaj i cili me short ka shqyrtuar gjatë këtyre ditëve kërkesën e Erion Veliaj për përjashtimin e gjyqtares nga kjo çështje duke e rrezuar kërkesën e kryebashkiakut si të pambështetur në ligj.

Tashmë do të duhet të hidhet shorti për të parë se kush do të jetë treshja gjykuese për dosjen “Veliaj”, i cili është i marrë i pandehur për pesë akuza.

Në seancë kanë qenë të pranishëm dy prokurorët e posaçëm të kësaj çështje Altin Dumani dhe Ols Dado, ndërkohë Veliaj është përfaqësuar nga avokatja e caktuar nga Valentina Dodoresku

Veliaj u arrestua një vit më parë me urdhër të Prokurorisë së Posaçme për disa akuza, mes të cilave shpërdorim detyre dhe korrupsion.