Nis seanca për Veliajn në Apel, paraqitet avokati amerikan

Seanca e ankimimit të Kryetarit të Bashkisë së Tiranës, Erion Veliaj, ka nisur këtë të martë në orën 10:00 në Gjykatën e Apelit. Kryebashkiaku kërkoi zbutjen e masës së sigurisë, duke argumentuar se nuk ekziston asnjë kriter për mbajtjen e tij në burg.

Në nisje të seancës, GJKKO nuk lejoi pjesëmarrjen e avokatit amerikan të kontraktuar nga Veliaj për të ndjekur seancën në rolin e vëzhguesit.

Avokati amerikan Joshua Roberts pati një takim të hënën me Veliajn në burgun e Durrësit dhe më pas foli për mediat, ku tha se, sipas Kushtetutës dhe ligjit amerikan, arrestimi i Veliajt është në kundërshtim me ligjin.

Joshua Roberts tha se kishte ardhur në Shqipëri në rolin e vëzhguesit dhe se të martën do të vëzhgonte argumentet e apelimit në lidhje me lirimin me kusht të Kryetarit të Bashkisë së Tiranës, Erion Veliaj.

Por sot u vendos që ai nuk do të lejohet të jetë vëzhgues në seancën për ndryshimin e masës së sigurimit.

Seanca po drejtohet nga gjyqtari Engert Pëllumbi, ndërsa Veliaj e ka quajtur arrestimin të pabazuar dhe ka kërkuar lirinë, duke argumentuar se nuk ka mundësi të shkatërrojë provat apo të largohet nga vendi.

LEXONI GJITHASHTU:

• Kërkon lirinë – Veliaj mbërrin në GJKKO, mungojnë mbështetësit por shtohen efektivët
• Seanca në Apel, avokati amerikan viziton Veliajn në burg: Jam në rolin e vëzhguesit