Gjobat e McGonigal/ Berisha: Duçka dhe Neza u takuan me biznesmenin në një restorant

Kryetari i Partisë Demokratike, Sali Berisha thotë se Dorian Duçka dhe Agron Neza vendosnin gjoba në emër të ish-zyrtarit të FBI-së, Charles McGonigal.

Në një deklaratë për mediat nga selia blu, Berisha tregoi rastin kur të dy takuan një biznesmen në një restorant në Tiranë.

“Por, Ylli Ndroqi dhe jo vetëm ai, janë dëshmitarë të skenave të shëmtuara që këta çakenj, kërcënonin biznesmenët e tjerë, natyrisht edhe në praninë e Taulant Ballës. Mbrojtja që Edi Rama i bën Dorian Duçkës dhe Agron Nezës është mbrojtje që i bën vetes së tij. Kjo skemë është e bekuar dhe e përdorur edhe për interesat e Edi Ramës.

Unë e përgëzoj Ylli Ndroqin për qëndrimin e tij të guximshëm dhe burrëror ndaj këtyre mafiozëve, por e përgëzoj edhe për vendimin që mori, pasi unë natyrisht pa autorizimin e tij publik, nuk e bëja, për ta bërë publike këtë ngjarje të shëmtuar në restorantin Padam. SKAP-i i partisë fut kokën nën jorgan. Nuk ka qëndrime më të turpshme se këto. Gjobëvnës që qarkullojnë me lejen dhe autorizimin e kryeministrit. Për SKAP-in, asgjë nuk ka ndodhur”, theksoi kryedemokrati.

LEXONI GJITHASHTU

• A rrezikon burg Meta? Gazetari jep detaje nga thirrja e ish-presidentit në SPAK
• EMRAT | Cilët janë kandidatët e Enkelejd Alibeajt për zgjedhjet e 14 majit
• PD denoncon skandalin: Ja si po vidhen zgjedhjet nga Bledi Çuçi