Gjoni: Shtëpia në Krrabë, vendi që kërkuam aq shumë për xhirimet e filmit “Sheets”

Filmi shqiptar “Sheets” është vlerësuar dy herë në festivalin e filmit në Trieste.

Regjisorja Evi Gjoni tha në një intervistë për emisionin Good Morning Albanians në Euronews Albania se për realizmin e filmit është frymëzuar nga karantina që në film nuk përcaktohet qartë por flitet si izolim dhe lëvizja e emigrantëve nëpër botë.

Ajo tregoi se filmi është xhiruar në janarin e vitit të shkuar, në një shtëpi në Krrabë, që siç tha është përshtatur plotësisht për filmin duke u rinovuar pothuajse nga e para.

“Aty jetonin njerëz, por magjia e filmit është që mund ta ndërtosh si të duash. Kemi kërkuar shumë në shumë fshatra, por kjo na pëlqeu; pozicionimi i shtëpisë, pozicioni i oborrit. Kemi punuar shumë me shtëpinë, e kemi lyer, kemi punuar me oborrin. Koha në film nuk është e përcaktuar, personazhet e filmit janë përshtatur me ngjyrat e shtëpisë për të treguar se janë bërë njësh me shtëpinë. Aktorët desha të mos ngjanin si aktorë, por si njerëz të jetës normale”, tregoi regjisorja.

Ndiqni intervistën e plotë këtu:

LEXONI GJITHASHTU:

• I frymëzuar nga karantina dhe emigrantët, “Sheets” merr 2 çmime në Trieste
• Filmi shqiptar merr çmim në Itali