Gjyqi i parë për krime lufte në Ukrainë ka nisur të mërkurën, pasi një ushtar rus është deklaruar fajtor për vrasjen e një civili ukrainas të paarmatosur.
Vadim Shishimarin, 21 vjeç, akuzohet se vrau me armë zjarri një civil 62-vjeçar të paarmatosur në ditët pas fillimit të pushtimit.
Gjykata ka shpallur vendimin për dënim me burgim të përjetshëm për 21-vjeçarin, raporton BBC.
Prokurorët thonë se mund të ketë më shumë gjyqe, pas identifikimit të mijëra krimeve të mundshme të kryera nga forcat ruse.
Prokurorja e përgjithshme Iryna Venediktova tha se “me këtë gjyq të parë, ne po dërgojmë një sinjal të qartë se çdo autor, çdo person që urdhëroi ose ndihmoi në kryerjen e krimeve në Ukrainë nuk do të shmangë përgjegjësinë”.
Moska ka mohuar se trupat e saj kanë shënjestruar civilët.
LEXONI GJITHASHTU: