Gjykata Kushtetuese kalon për shqyrtim në themel kërkesën e qeverisë për Ballukun

Mbledhja në Gjykatën Kushtetuese për çështjen Balluku ka përfunduar. Kërkesa e qeverisë është pranuar nga Gjykata Kushtetuese.

Pranimi i kërkesës do te thotë që çështja kalon për gjykim te thelluar. Çështja për shqyrtim në themel ka kaluar 5 me vota pro dhe 3 kundër.

Gazetarja e Euronews Albania, Enkelejda Mema thekson se trupa gjykuese do të duhet të lërë një datë brenda dy muajve të ardhshëm se kur kërkesa e qeverisë do të shqyrtohet në themel.

“Pas rreth 3 orë diskutime të trupës gjyqësore të Gjykatës Kushtetuese për kërkesën e qeverise të bërë pas urdhrit të Gjykatës së Posaçme për pezullimin e Ballukut nga dy detyrat qeveritare, trupa gjyqësore së pari ka miratuar pikën e parë, ka pranuar kërkesën e qeverisë për shqyrtimin në themel të çështjes.

5 gjyqtarë kanë votuar por te shqyrtimi të çështjes në themel dhe tre kanë votuar kundër.

Është pranuar kërkesa e qeverisë për të shqyrtuar në themel, e cila trupa gjykuese do të duhet të lërë një datë brenda dy muajve të ardhshëm se kur kërkesa e qeverisë do të shqyrtohet në themel”, tha gazetarja.

LEXONI GJITHASHTU:

• Plagosja e 26-vjeçarit në Sauk, arrestohet autori! Në kërkim dy porositësit
• Banka Qendrore e Rusisë: Të jashtëligjshme planet e BE për përdorimin e aseteve ruse