Ish-ministri i Mbrojtjes Fatmir Mediu tha pas seancës së sotme në GJKKO se ende mungon interesi për t’i shkuar të vërtetës së çështjes “Gërdeci” deri në fund.

Ai tha se duhen rithirrur për të dëshmuar ushtarakët që e vërteta të dalë, ndërsa ka komentuar edhe dëshminë e dhënë këtë të mërkurë në SPAK të djalit të ish-kryeministrit, Shkëlzen Berishës.

“Mungon interesi për t’i shkuar të vërtetës deri në fund. Unë mendoj se ëhstë e domosdoshmë që të gjithë dëshmitarët të japin dëshmitë e tyre. Pa dyshim që kodi i procedurës penale u jep të drejtën atyre që janë dënuar, për të heshtur, por unë bëj thirrje në emër të së vërtetës. Secili duhet ta flasë të vërtetën ashtu siç është. Është shumë e rëndësishme të rithirren personalitetet ushtarake.

Nuk janë personalitete që kanë qenë jashtë marrëdhënies me Ministrinë e Mbrojtjes. Kanë qenë me zyra permanente në Ministrinë e Mbrojtjes. Gjithashtu personalitete të shteteve të bashkuara të amerikës dhe ministra që unë kam kërkuar të thirren, ne do e kishim si një vlerësim për të parë deri në fund, për të shmangur çdo keqkuptim  të ndarjes së rolit të civilëve me rolin e ushtarakëve në ministrinë e Mbrojtjes. Sepse përndryshe do të ecnim me konceptin e vjetër që ushtria është e partisë”,-tha ish-ministri Mediu.

I pyetur për rëndësinë e dëshmisë së Shkëlzen Berishës, Mediu u përgjigj:

“U duk nga dëshmia e Shkëlzen Berishës, se ai nuk ka asnjë marrëdhënie me Fatmir Mediun lidhur me këtë proces. Këto janë insituata, prokuroria e sjell pa dashur që të shkojë në zbulim të të vërtetës”.

LEXONI GJITHASHTU:

• “Berisha i gatshëm për akte terroriste”- Lita: Lajmëroi protesta ndaj institucioneve
• “Kam respektuar gjithmonë vetëm ligjin”, Berisha: Gjykata, vegël e Ramës