“Kam respektuar gjithmonë vetëm ligjin”, Berisha: Gjykata, vegël e Ramës

“Kam respektuar gjithmonë ligjin dhe vetëm ligjin”,kështu tha ish-kryeministri para protestuesve të cilët janë mbedhur në mbështetje të tij.

Sipas tij, në shumë vite hetime, kundër tij nuk kanë gjetur asnjë fakt pasi ligjin ai nuk e ka parë kurrë vetëm si rregull të shkruar. Ai tha se të gjithë e dinë se sigla dhe vula e PD, i takon grupit të Rithemelimit.

“Në duart e zyrtarit të ndershëm ligji garanton të drejtat e njeriut, në duart e kriminelit, ligji është arma më eficiente për shtypjen dhe eliminimin e liriv e dhe të drejtave të njeriut. Mos e harroni kurrë këtë. Ishte me gjykata që Adolf Hitleri urdhëronte persekutimin e hebrenjve, me gjykata Enver Hoxha urdhëronte burgosjen dhe ekzekutimin e armiqve të tij, është kjo gjykatë mbrapa meje, mbrapa nesh, vegël e Edi Ramës që sot po përdoret njëlloj si bisturia në duart e një krimineli për të masakruar arritjen më të madhe shqiptare, simbolin  e pluralizmit politik”,-tha Sali  Berisha.

Kujtojmë se ditën e sotme në Gjykatën e Lartë po zhvillohet sot seanca për rekursin që grupimi i “Rithemelimit” i Sali Berishës ka depozituar për vendimin e 3 marsit, ku “Apeli i Përgjithshëm” ktheu në “Shkallë të Parë” çështjen e logos dhe vulës së Partisë Demokratike.