Goditja ndaj Berishës, analisti: Ka ardhur koha që të ndërrohet klasa politike

Analisti Alban Daci thotë se goditja ndaj kryedemokratit Sali Berisha, tregon se ka ardhur momenti që të ndërrohet klasa politike dhe lidershipi politik në vend.

Në një intervistë për Euronews Albania, Daci u shpreh se prej një viti, politika shqiptare zien nga dhuna.

“Duhet të bëjmë një analizë shumëplanëshe. Nuk ka njeri që nuk e dënon aktin e djeshëm, edhe pse për fat të keq, akte të tilla kanë ekzistuar që kur është shpikur mënyra e organizimit të komuniteteve dhe tribuve njerëzore deri në modelin e shtetit që ne ekzistojmë sot. Ajo që dëshmon dje është më e rëndë se sa kaq.

Ka të paktën 1 vit që politika shqiptar zien, zien, zien si një vullkan që është i gatshëm të shpërthejë në urrejtje, hakmarrje dhe luftë. Skena të tilla, ishin që ato të datës 8 janar te zyra e Partisë Demokratike nga demokratët kundër demokratëve. Ky incident i djeshëm, nuk dëshmon asgjë tjetër që ka ardhur momenti që klasa politike, establishmenti politik dhe lidershipi politik duhet të ndërrohet. Siç do lloj cikël jetësor, edhe politika ka një fillim edhe një fund”, theksoi ai.

LEXONI GJITHASHTU

• Do dëshmojë Berisha në polici? Flet drejtori i Komunikimit në PD
• “Më vjen shumë keq”, Majlinda Bregu komenton dhunën e ushtruar ndaj Berishës
• Mjeku: 31-vjeçari që goditi Berishën nuk i merrte rregullisht ilaçet