Gol i anulluar e penallti me polemika/ Reçi: Arbitra kamikazë, Tirana ta linte lojën

Supersfida e kësaj jave në kampionat ishte mes Elbasanit dhe Tiranës, një ndeshje delikate për të dyja ekipet të cilat nuk shkuan më shumë se sa një barazim 1-1, teksa nuk kanë munguar as episodet e diskutueshme.

Më pas, gjyqtari kryesor Olsian Ferataj u thirr për ta rishikuar rastin në dhomën e VAR duke vendosur anulimin e golit të Tiranës dhe dhënien e një 11-metërshi në favor të Elbasanit. Ky episod shkaktoi polemika të shumta ndërsa Mired Reçi i ftuar në emision Max Sport në Euronews Albania u shpreh se Tirana po sulmohet nga shumë krahë dhe sipas tij “VAR” dhe arbitrat janë kundër ekipit kryeqytetas, duke i etikuar ata si kamikazë.

“Tirana duhet që të merrte një vendim drastik që të dilte nga fusha në momentin që u anullua goli dhe ta kuptonin këta zotërinj që marrin këto vendime që me Tiranën nuk luajnë dot, sepse e kanë bërë modë këtë gjë jo vetëm me Tiranën po me të gjitha ekipet”, tha Reçi.

“Nuk mund të dalin dot disa kamikazë arbitra, se e kemi thënë këtë që kur u bë skema, prandaj po vdes futbolli këtu, prandaj nuk vijnë tifozët se ata djem e djersisin bluzën, po kush nuk i lë që të bëjn hajër?”, e mbylli komenti ne tij Mired Reçi në Max Sport.

Pas këtij barazimi Elbasani ndodhet në vendin e 5-të të tabelës së renditjes me 18 pikë, ndërsa Tirana renditet dy vende më poshtë me 15 pikë.

LEXONI GJITHASHTU:

• Përfundon faza e grupeve në Ligën e Kombeve: Shqipëria bie në Ligën C
• Ekskluzive/ Gianni De Biasi: Vlerësoj punën e Silvinjos, e ardhmja në dorë të Zotit