Shqipëria mbylli me zhgënjim këtë edicion të Ligës së Kombeve. Kuqezinjtë humbën 1-2 kundër ukrainasve duke rënë në ligën C. Për të parë dy ndeshjet e Kombëtares ishte në Tiranë dhe ish-trajneri Gianni De Biasi i cili dha një intervistë ekskluzive për gazetarin Altin Sulçe ku u shpreh me superlativa për ekipin tonë, duke vlerësuar grupin, trajnerin dhe federatën për punën e bërë ndërsa të ardhmen e tij ia la në dorë Zotit.
“Është për të ardhur keq që humbëm me Ukrainën, shpresoj që në të ardhmen të ngjitemi më lartë, por puna e federatës dhe trajnerit është shumë e mirë. Kemi lojtarë të mirë por kishte disa mungesa, fati nuk ishte me ne këtë ndeshje”, tha Gianni De Biasi.
“Sigurisht që më mungon ky vend, kur vij jam shumë i lumtur, të gjithë njerëzit duan të më takojnë dhe të bëjnë foto me mua por unë nuk dua të shqetësoj askënd dhe erdha të shikoja këto dy ndeshje. Sa i përket të ardhmes, atë e di vetëm Zoti por sigurisht që kam dëshirë të rikthehem në krye të ndonjë ekipi”, e mbylli fjalën e tij për Max Sport ish-trajneri i Kombëtares Gianni De Biasi.
LEXONI GJITHASHTU:
- Ukraina “gjunjëzon” Kombëtaren në Tiranë, dështon Shqipëria, mbyll e fundit grupin
- Gol i anulluar e penallti me polemika/ Reçi: Arbitra kamikazë, Tirana ta linte lojën
