Grabitja me armë zjarri në Korçë, vjen reagimi i parë i Policisë

Mbrëmjen e sotme në fshatin Drenovë të Korçës ka ndodhur një grabitje me armë zjarri, ky dy persona kanë hyrë në një market dhe kanë marrë një shumë parash dhe paketa cigare.

Përmes një njoftimi, Policia bën të ditur se po ushtron kontrolle për identifikimin dhe kapjen e autorëve.

Policia njofton se ka ngritur pika kontrolli në akset kryesore hyrëse dhe dalëse të qytetit.

Njoftimi i Policisë:

Korçë-Mbrëmjen e sotme, në fshatin Drenovë, Korçë, dy persona të maskuar, nën kërcënimin e një sendi të dyshuar si armë zjarri, kanë hyrë në dyqanin ushqimor të shtetasit D. B., ku kanë marrë një shumë parash dhe disa paketa me cigare dhe më pas janë larguar.

Shërbimet e Policisë kanë shkuar menjëherë në vendngjarje. Gjithashtu janë ngritur pika kontrolli në akset kryesore dhe hyrjet e daljet e qytetit, me qëllim identifikimin dhe kapjen e autorëve.

Për këtë rast është krijuar një grup i posaçëm hetimor i cili po punon për zbardhjen dhe dokumentimin e plotë të ngjarjes.

LEXONI GJITHASHTU:

• Grabitje me armë zjarri dhe maska në Korçë
• VIDEO| Pamjet e grabitjes më pistoletë lodër të pikës së këmbimit valutor në Tiranë