Grenell për Kosovën: Pse nuk u ankua para inagurimit të Presidentit Trump

Emisari special i SHBA-së për Misione të Posaçme, Richard Grenell ka folur për herë të parë për Kosovën pas inaugurimit të Donald Trump si president i ri në Shtëpinë e Bardhë.

Ai një postim në X ka folur mbi një koment të kryeparlamentarit Glauk Konjufca për mediat për tashmë ish-administratën Joe Biden dhe Barack Obama

“Ata shpenzuan katër vjet duke komplimentuar Joe Biden dhe duke marrë pjesë në konventa dhe festa të tyre. Pse nuk u ankuan më parë?”, ka shkruar Grenell.

Nga ana tjetër ka reaguar Konjufca duke thënë se për shkak të presidentëve të mëparshëm, Obama dhe Biden, Kosova ka kaluar një situatë të disfavorshme ndaj Serbisë.

“Administrata e presidentit Biden, ma merr mendja, që kjo rrjedh prej administratës së presidentit Obama, këto në relacion me Kosovën, këta dy presidentë të shumë respektuar të Amerikës, prej vitit 2011, e kanë pasur një qasje ndaj Kosovës, e cila me thënë të drejtën, Kosovën e ka vendosur në situatë të disfavorshme ndaj Serbisë, këtë jemi dëshmitarë të gjithë. Pikërisht, administrata e presidentit Obama dhe Biden, dhe neve gjatë kësaj kohe, na kanë ndodhur disa çështje që i ka shty Serbia, që shumë e kanë dëmtuar reputacionin e Kosovës”, ka thënë kryeparlamentari Glauk Konjufca.

LEXONI GJITHASHTU:

• Kriptovalutat në Kosovë, ekonomistët: Vendet e Ballkanit janë të papërgatitura
• “Grenell totalisht pro-Serb”, politologu: Si do ndikojë zgjedhja e tij për Kosovën