Protestuesit në Beograd vazhduan mbrëmjen e së premtes demonstratat kundër parregullsive në zgjedhjet e 17 dhjetorit.

Ata ecën drejt një grupi studentësh që shpallën një bllokadë 24-orëshe të arterieve kryesore rrugore të kryeqytetit serb ditën e ndërrimit të viteve.

Studenti Strahinja Stankoviç, deklaroi: “Do të qëndroj këtu gjithë natën bashkë me kolegët e mi. Mendoj se pas këtyre bllokadave, të cilat do t’i vazhdojmë do të arrijmë diçka. Gjithmonë i shoh gjërat në mënyrë pozitive dhe jam optimiste se do t’ia dalim. Por koha do ta tregojë nëse kjo do të ndodhë apo jo”.

Studentët ngritën tenda të vogla, vendosën tryeza dhe karrige, sollën ushqim dhe batanije dhe vendosën muzikë në kampin e tyre.

Autoritetet e presidentit populist Aleksandar Vuçiç akuzuan opozitën për nxitje të dhunës.

LEXONI GJITHASHTU:

• “Priten protesta masive në Beograd”, gazetari serb: Skenari që do të përdorë qeveria
• Protestat në Serbi, demonstruesit përpiqen të sulmojnë Bashkinë e Beogradit