Punonjësit e sektorit publik grek, duke filluar nga punonjësit e hekurudhave dhe nëpunësit civilë te detarët dhe mësuesit e shkollave, iu bashkuan një greve njëditore sot në përvjetorin e përplasjes së madhe të trenave në vend që mori 57 jetë.

Protesta organizohet nga sindikata më e madhe greke e sektorit publik ADEDI, e cila përfaqëson rreth 500 mijë punëtorë, raporton Reuters.

“Një vit më vonë, ne u kthyem në rrugë për të bërtitur me zë të lartë se nuk do ta harrojmë”, tha ADEDI në një deklaratë.

Përplasja tragjike e një treni pasagjerësh që udhëtonte midis Athinës dhe Selanikut me një tren mallrash më 28 shkurt të vitit të kaluar ka shkaktuar protesta masive në vend pasi protestuesit thonë se aksidenti ishte rezultat i dekadave të neglizhencës hekurudhore.

Shefi i stacionit u arrestua disa orë pas aksidentit, por shumë të mbijetuar dhe të afërm të viktimave thonë se politikanët, të cilët mbrohen nga ligji grek nga ndjekja penale, duhet të marrin gjithashtu përgjegjësinë.

Punonjësit e sektorit publik mendojnë gjithashtu se rritja e fundit e pagave nuk është e mjaftueshme për të mbuluar koston në rritje të jetesës dhe kërkojnë një rritje prej 10 për qind dhe që sektori publik të punësojë më shumë njerëz.

LEXONI GJITHASHTU:

• Samiti për Ukrainën, Mitsotakis nuk vjen në Tiranë! Si do përfaqësohet Greqia
• Greqia merr drejtimin e misionit detar të BE-së në Detin e Kuq