‘Gruaja e dehur e provokoi’, italiani i pafajshëm nga akuzat për sulm seksual

Një i ri italian është shpallur i pafajshëm nga akuzat për sulm seksual, pasi një gjykatës vendosi se një grua e dehur e kishte provokuar atë me sjelljen e saj.

Vendimi rrëzon një tjetër, dhënë në vitin 2019, i cili e dënoi të riun me më shumë se dy vjet burg, shkruan Euronews.

Gjykata e Apelit të Torinos tha se ata kishin qenë së bashku në tualetin e një lokali në qendër të qytetit në maj 2019, dhe gruaja gjithmonë ka pohuar se nuk ka dhënë pëlqimin e saj.

Por gjyqtarja tha se përdorimi i tepërt i alkoolit e bëri të riun të afrohej dhe se akti i saj për të lënë hapur derën e tualetit dhe duke qëndruar aty, ishte “një ftesë” për të.

Vendimi është dënuar gjerësisht nga politikanët italianë dhe grupet për të drejtat e grave.

LEXONI GJITHASHTU

• Dhuna në familje, viktimat kryesisht gra të moshave 26-35 vjeç
• Divorcet në Vlorë i kërkojnë kryesisht gratë, shkak dhuna