Gruaja mori përsipër aksidentin me vdekje, zbardhet ngjarja: Në timon ishte burri

Policia ka arrestuar një 53-vjeçar në lidhje me aksidentin me vdekje që ndodhi pasditen e djeshme në aksin Fier-Vlorë, ku ndërroi jetë një 73-vjeçar.

Ditën e djeshme u raportua nga policia se mjeti tip “Ford” që shkaktoi aksidentin drejtohej nga një shtetase 44-vjeçare. Por puna hetimore e policisë zbuloi se mjeti kishte si drejtues bashkëshortin e 44-vjeçares dhe jo vetë atë.

Materialet në ngarkim të 53-vjeçarit i kaluan prokurorisë për veprime të mëtejshme.

“Specialistët e Qarkullimit Rrugor të DVP Vlorë, në vijim të veprimeve hetimore për zbardhjen e rrethanave të aksidentit me pasojë vdekjen, të ndodhur ditën e djeshme në aksin rrugor “Fier-Vlorë”, arrestuan në flagrancë shtetasin M. Gj., 53 vjeç, banues në Vlorë.

Nga këqyrja e pamjeve filmike ka rezultuar se në kohën që është aksidentuar me pasojë vdekjen shtetasi Rr. V., 73 vjeç,  automjeti tip “Ford” drejtohej nga shtetasi M. Gj. dhe jo nga bashkëshortja e tij, siç ata deklaruan fillimisht”, njofton policia.

LEXO GJITHASHTU:

• Dyshohet se i ngacmoi të dashurën, shqiptari rreh për vdekje me grushte italianin
• Rrëzimi i ashensorit në Krujë, arrestohet drejtuesi teknik i kompanisë
• Kishte fshehur pakot me euro në tavanin e autobusit, pranga shoferit në kufi