“Grupi L kujtoi se ra në pritë”- Zbardhet vrasja e hidraulikut shqiptar në Athinë

Mediat greke kanë publikuar dosjen hetimore të vrasjes së 37-vjeçarit shqiptar Pëllumb Islami, me profesion hidraulik, i cili u qëllua gjatë përplasjes mes bandave në lokalin Nea Joni në Athinë.

Hetuesit kanë zbardhur dinamikën e plotë të krimit, për të cilin tashmë akuzohen jo vetëm shqiptarët, anëtarë të bandave rivale, por edhe tre sirianë, miq të pronarit të dyqanit.

Nga hetimet e kryera nga oficerët e Departamentit të Vrasjeve të Atikës, dinamika e krimit është mjaft e ndryshme nga ajo që u raportua në fillim.

Policia ka dalë në përfundimin se në momentin e të shtënave, katër anëtarë të bandës shqiptare që njihet si Grupi L, shkuan në lokal së bashku me 3 sirianët.

Sipas mediave greke ata ishin thirrur nga pronari i lokalit për të zbardhur plagosjen me thikë të djalit të mitur të këtij të fundit një ditë më parë.

Në momentin që pjesëtarët e ‘Grupit L’ kanë hyrë në lokal, aty ndodheshin të ulur duke parë ndeshjen dhe anëtarët e një bande rivale me të cilët kishin përplasje.

Në tavolinë me ta ishte dhe 37-vjeçari i cili humbi jetën dhe një grua ende e paidentifikuar.

“Grupi L” një moment ka kujtuar se ka rënë në pritë, nga një kurth i ngritur nga pronari i lokalit dhe ka qëlluar me armë në drejtim të shqiptarëve të tjerë.

37-vjeçai i cili ndodhej në tavolinë me ta, mori një plagë në shpatull dhe ndërroi jetë si pasojë e gjakderdhjes.

LEXONI GJITHASHTU:

• “Grupi L” u thirr nga pronari, si vrasja në Athinë lidhet me plagosjen e 16-vjeçarit
• Vranë më plumb qorr hidraulikun, identifikohet kreu i bandës shqiptare në Greqi
• Kriminelë që prezantoheshin si truproja, si funksionon “Grupi L” që vrau shqiptarin