Grupi parlamentar i PS mblidhet të premten në Elbasan

Partia Socialiste ka zhvilluar të martën mbledhjen e grupit që ka zgjatur vetëm 30 minuta.

Në mbledhjen e grupit të PS ju është kërkuar deputetëve që të jenë prezentë në kohë në seancën e së enjtes për shkak edhe të zhvillimit të interpelancës së kryeministrit Rama me kreun e grupit parlamentar të PD, Gazment Bardhi për çështjen e mbetjeve të rrezikshme.

Burime për Euronews Albania bëjnë me dije se të premten në orën 10:00 grupi parlamentar i PS do të zhvillojë mbledhje në Elbasan.

Pjesë e këtij takimi pritet të jetë dhe kryeministri Edi Rama.

Fokusi i mbledhjes pritet të jetë tek komunikimi publik i deputetëve, integrimi dhe jeta parlamentare.

LEXONI GJITHASHTU:

• Pse Tirana nuk ju besua vetëm Veliajt? Kushi: Strategji, Kaso: Jeni marioneta
• Ndarja e drejtimit politik në Tiranë për PS, zbulohet roli i Veliajt