Gundogan largohet si kampion, Mesfushori gjerman kalon në Spanjë

Pas 7 vitesh në Angli e me disa trofe të fituar, Ilkay Gundogan ka vendosur të largohet nga kampionët e Manchester Cityt. 32-vjecari ka nënshkruar me Barcelonën për 2 sezone, ndërsa është bërë dhe prezantimi i tij në ambientet e klubit.

Me shiritin e kapitenit, Gundogan i ka dhënë lamtumirën ‘The Cityzens’, ndërsa ishte një protagonist absolut në fitimin e Ligës së kampionëve. Katalanasit prej kohësh ishin vënë në kërkim të Gundogan, i cili edhe pse në moshën 32-vjecare jep siguri për disa sezone në nivel të lartë.

Këtë të hënë gjermani është prezantuar në ambientet e klubit, ndërsa ka firmosur deri në vitin 2025. Gundogan u transferua me parametra zero, ndërsa i përfundoi kontrata me klubin anglez. Klauzola e largimit tanimë e vendosur nga blaugranët është 400 mln euro, ndërsa tanimë është nën urdhrat e trajnerit Xavi.

Gundogan ka luajtur plot 304 ndeshje me Manchester Cityn, ku ka mundur të shënojë 60 gola e asistojë 40 herë. 5 tituj të Premier Leagues angleze ka fituar gjatë aventurës me cityzens, ndërsa këtë sezon arriti të triumfonte dhe në ligën e kampionëve, ku në finale mposhtën Manchester Cityn.

Prej vitit 2011, Ilkay Gundogan është pjesë e kombëtares sa panzerave, ku numëron 67 paraqitje.

LEXONI GJITHASHTU: 

• Sveçla takim me tre policët e rrëmbyer: Beteja jonë ligjore për këtë rast vazhdon
• Bayern nuk gjen qetësi, Tuchel përplaset me drejtuesit e rinj, shkak bëhet merkato