Haaland, “tersi” në finale, norvegjezi nuk shënoi në asnjë përballje

Erling Haaland ishte protagonist absolut në edicionin e tij të parë në Premier League me Manchester Cityn, duke shënuar plot 36 gola. Norvegjezi ishte i jashtëzakonshëm në fushë ne lojës, duke u kthyer në një makineri.

Edhe në Champions, ritmi ishte i njëjtë, duke shënuar thuajse ndaj çdo skuadre, Edicioni që lamë pas është më i suksesshmi në historinë e the cityzens, duke fituar kampionatin, kupën, superkupën në Angli, Champions Leaguen dhe Superkupën e Evropës, disa finale rresht.

Ajo çka bie në sy është se në asnjërën prej tyre nuk ka shënuar norvegjezi, duke regjistruar kështu një lloj tersi, kur vjen fjala tek finalet e rëndësishme. Kujtojmë se në Ligën e Kampionëve, goli i vetëm u shënua nga mesfushori Rodri, ndërsa ai i Superkupës së Evropës nga Cole Palmer. E njëjta histori dhe në finalen e FA Cup, ku mposhtën djajtë e kuq me rezultatin 2-1, dygolëshi i Gundogan solli një tjetër trofe për Guardiolën.

Pra siç duket dhe nga statistikat, edhe pse Haaland ishte sulmuesi kryesor i kampionëve të Anglisë, sërish ishte i pafat për të lënë gjurmë në finalet më të rëndësishme për klubin. Kujtojmë se dhe në sezonin e ri të Premier Leagues angleze, sulmuesi shënoi dy gola që në ndeshjen e parë, ndërsa është sërish pretendenti kryesor për fitimin e këpucës së artë.

LEXONI GJITHASHTU:

• Vuçiç: Pse ndërkombëtarët nuk reagojnë për Shqipërinë e Madhe
• Arrestimet për sterilizimin, Berisha: Vendimet ishin në sirtar, i urdhëroi Rama