Habit trajnerja e palestrës: Më thonë dua të humb 30 kg se do shkoj për pushime

Trajnerja e palestrës, Igra Rapollari tregoi një rast kur një person i tha se donte të binte nga pesha me 30 kg, pasi do shkonte me pushime.

Në emisionin “Good Morning Albanians” në Euronews Albania, Rapollari u shpreh se nuk merr përsipër raste të tilla.

Sipas saj, nuk duhet të mbash dietë nëse frekuenton palestrën, por regjim ushqimor.

“Mua më kanë thënë në maj, unë në korrik do iki me pushime, dua të heq 30 kg. Nuk je për mua, nuk t’i heq dot. Jo se nuk ia heq dot, unë e shkatërroj atë person, nuk mundem ta bëj dot. Unë kështu kam punuar. Është normale me stërvitje dhe me regjim ushqimor.

Do hajë edhe çokollatën, do i hajë të gjitha, sepse nuk mund të bëj dot programin stërvitor n ë momentin që ai mban dietë. Më kanë ardhur edhe me një banane, më kanë ardhur dhe  me një çokollatë, pa ngrënë fare dhe kanë qenë në gjendje të fikti. Çfarë mund t’i bëj atij personi?”, theksoi ajo.