Hajdarmataj: Gabimi i policisë në vdekjen e kenianes dhe akti i ekspertizës që…

2 Maj 2023 | 22:52

Ish-drejtuesi i policisë Arben Hajdarmataj tha në emisionin Now në Euronews Albania se vdekja e kenianes 22-vjeçares Joy Ayoko mund të lidhet edhe me pistën e përfshirjes së politikës.

Sipas tij, policia ka gabuar në këtë rast pasi nuk ka kërkuar aktin e ekspertimit, që do të përcaktonte nëse dëmtimet në trupin e 22-vjeçares janë nga dhuna apo nga rënia aksidentale nga ballkoni.

“Pavarësisht nëse në fillim mund të jetë cilësuar si aksident apo që është hedhur vetë nga kati i tretë, policia minimumi duhet të kërkonte aktin e ekspertizës, që nëse është korrekt tregon që dëmtimet janë për shkak të dhunës apo hedhjes aksidentale nga lartësia”, tha Hajdarmataj.

Joy Ayoko, u gjet e dhunuar barbarisht poshtë hostelit në rrugën “Pandeli Evangjeli” më 13 gusht 2022. Ajo u shtrua në spitalin e Traumës.

22-vjeçarja i mbijetoi fillimisht plagëve të marra, por një dëmtim në tru e la në gjendje vegjetative. E reja nuk i mbijetoi dot dëmtimeve të marra, duke ndërruar jetë 6 muaj pas ngjarjes së rëndë.

6 personat që u morën në pyetje për ngjarjen e rëndë, përfshirë këtu shoferin e kazinosë ku e reja punonte dhe vëllain e tij, u lanë të lirë.

Shoferi Rodin Barçi ka deklaruar se me 22-vjeçaren kishte patur një marrëdhënie intime e cila kishte përfunduar përpara se të ndodhte rrahja barbare e saj. Kujtojmë se të shoqëruarit e tjerë janë miqtë dhe shokët e ngushtë të shoferit të kazinos.

 

LEXONI GJITHASHTU:

Home Kryefaqja
Shiko në: YouTube
Lajme të Sugjeruara

“Opozitë e krimit”! Protestuesit nga selia e PS-së shkojnë para selisë së PD-së

Pas tubimit përballë kryeministrisë qytetarë u mblodhën fillimisht para selisë së Partisë Socialiste dhe më pas u drejtuan edhe pranë selisë së Partisë Demokratike. Protestuesit...
23:07 | 03/06/2026

Rama për median ndërkombëtare: Shqipëria nën sulm nga armiqtë dhe në luftë hibride

Kryeministri Edi Rama këtë të mërkurë ka zhvilluar një intervistë për CNN ku ka folur lidhur me protestat që po zhvillohen kundër ndërtimit në Zvërnec....
21:35 | 03/06/2026

Dita e katër e protestës kundër projektit në Zvërnec, përplasje mes policisë dhe protestuesve

Dita e katërt e protestës kundër projektit në Zvërnec ka nisur këtë të mërkurë me tensione. Situata është përshkallëzuar kur protestuesit janë hasur me kordonin...
18:47 | 03/06/2026