“Hajduti i biçikletave”, arrestohet 31-vjeçari në Tiranë, dokumentohen 7 vjedhje

Një 31-vjeçar është arrestuar pasi policia ka dokumentuar 7 vjedhje të tijat në Tiranë.

Shtetasi V. S., ka vjedhur kryesisht biçikleta, por dhe celularë e shuma parash.

Konkretisht:

– Më datë 18.05.2023, në rrugën “Qemal Stafa”, ka vjedhur biçikletën e një shtetaseje;

– Më datë 26.05.2023, në rrugën “Don Bosko”, ka vjedhur dy biçikleta në pronësi të një shtetasi;

– Më datë 29.05.2023, në rrugën “Nikolla Jorga”, ka vjedhur aparatin celular të një shtetasi, ndërsa në rrugën “Jordan Misja”, ka vjedhur biçikletën e një shtetasi;

– Më datë 31.05.2023, në rrugën “Kol Xhumari”, ka vjedhur biçikletën e një shtetasi;

– Më datë 01.06.2023, në rrugën “Fadil Rada”, ka vjedhur një shumë parash, në një subjekt privat;

– Më datë 02.06.2023, në rrugën “‘Maliq Muço”, ka tentuar të vjedhë në një banesë.

Në cilësinë e provës materiale u sekuestruan 3 biçikleta të dyshuara të vjedhura nga ky shtetas dhe një aparat celular, bën me dije policia.

LEXONI GJITHASHTU:

• Aksident i rëndë në Berat, makina përplas 68-vjeçarin me biçikletë në vizat e bardha
• Tritoli në fasonerinë në “Fresk”, autori lëvizi me biçikletë, dyshimet e policisë