Hansi Flick pranë Barcelonës| Kompany në orbitën e Bayern, Lopetegui tek West Ham

Julen Lopetegui është rikthyer në kampionatin anglez, duke mos iu plotësuar kështu dëshira për të drejtuar Milanin, por do të jetë në krye të pankinës së West Ham.

Zyrtarizimi është bërë këtë të enjte, me spanjollin që pason kështu David Moyes, teknikun që udhëhoqi skuadrën në fitimin e Conference League sezonin e shkuar. Lopetegui u përfol në disa skuadra mes tyre kuqezinjtë nga Milano, ndërsa në të shkuarën ka drejtuar dhe kombëtaren spanjolle, Sevillan, Realin, por edhe Porton.

Merkato e trajnerëve padyshim do të jetë ndër më të nxehtat e viteve të fundit, pasi lëvizje priten në disa nga klubet më të mëdha evropiane, si Man Utd, Juventus, Bayern, Barcelona, Milan dhe Chelsea. Në klubin katalanas, Xavi nuk i ka punët mirë e me gjasa do të largohet, por këtë herë përfundimisht, kjo pasi sipas mediave spanjolle, blaugranët kanë arritur akordin me Hansi Flick. Ish-trajneri i kombëtares gjermane, që më herët ka fituar Championsin me Bayernin është gati për të drejtuar Barcelonën.

Skuadra me të cilën ai fitoi tripletën është në kaos, bëhet fjalë për Bayernin, që askush nuk pranon ta drejtojë. Vincent Kompany është emri më afër marrjes së drejtimit të skuadrës. Ish-mbrojtësi kampion i Man Cityt që drejtoi Burnleyn duke e rikthyer në Premier League, por pas vetëm 1 sezoni ra nga kategoria. Tekniku në ikje, Thomas Tuchel mund të rikthehet tek Chelsea në Angli, ndërsa Juventus synon Thiago Mottën, ku pritet dhe një takim në orët e ardhshme.

LEXONI GJITHASHTU:

• U plagos nga babai, 40-vjeçarja transportohet drejt Traumës në Tiranë. Dalin detaje
• Shpalli kampion Leicester-in, trajneri italian tërhiqet pas 38 vitesh nga futbolli