Hapja e Xhamisë së Namazgjasë, Përfaqësuesi i KMSH: Ditë e lumtur por

Drejtori i arsimit në KMSH Elton Karaj ishte këtë të enjte i ftuar në “Now me Erla Mëhillin” ku foli rreth ceremonisë së inaugurimit të Xhamisë së Namazgjasë.

Ai tha që hapja e Xhamisë së Namazgjasë është një ditë shumë e lumtur për besimtarët shqiptarë dhe ndonëse në media ka pasur shumë “por” sipas tij, nuk ka edhe aq “por” pasi çështja e mos pasjes përfaqësi nga KMSH në këtë ceremoni është çështje protokolli.

“Ditë e lumtur për të gjithë besimtarët mysliman të Shqipërisë, ditë e lumtur për Komunitetin Mysliman të Shqipërisë dhe ditë e lumtur për mbarë qytetarët e Shqipërisë, sepse edhe është folur edhe bëhet fjalë për një objekt me shumë funksione”,-tha ai.

I pyetur se përse nuk kishte përfaqësues nga KMSH në  inaugurimin e xhamisë, Karaj tha:

“Ceremonia e inaugurimit nëpërmjet bisedimeve që ne kemi pasur lidhur me realizimin e saj, nuk ka pasur një protokoll të caktuar aty ka pasur dy element kryesor, zoti kryeministër dhe zoti president, ndërsa elementët e tjerë kanë qenë në diskutim deri në momentin e fundit”,-tha Elton Karaj.

LEXONI GJITHASHTU:

• “Çfarë po fitojmë ne nga Turqia”, përplasen Manjani dhe Pëllumbi
• Begaj iu ankua Erdogan për zyrën e vogël, Manjani: Të dorëzojë çelësat, na turpëroi