Ministri i Jashtëm, Igli Hasani ka mbajtur fjalën në takimin e Këshillit Ministror të OSBE.
Hasani u shpreh se rreziku më i madh për sigurinë sot është Rusia dhe lufta e saj e paligjshme ndaj Ukrainës, luftë që siç tha ka pasur pasoja dramatike për OSBE-në.
“Duke keqpërdorur mekanizmin unik të bashkëpunimit tonë, Rusia ka synuar të dobësojë dhe paralizojë organizatën tonë. Të njëjtin mesazh deformues siç kanë dhënë ndër vite dëgjuam edhe sot, pastaj ata dërgojnë tanket e tyre. Në rajonin tonë, ne e dimë se çfarë ndikimi pozitiv mund të ketë një OSBE e fortë. Progresi i bërë në dekadat e fundit dhe kërcënimet e vjetra në rajonit tonë po ngrenë sërish kokën. Ngjarjet në Kosovë, provë e nxitjes së konfliktit në Ballkanin Perëndimor”, tha ministri Hasani.
Hasani theksoi se Shqipëria po punon për një Ballkan Perëndimor të qëndrueshëm dhe paqësor.
“Ne mbetemi garantues të orientimit evropian të rajonit tonë, i sigurisë, stabilitetit dhe demokracisë. Marrëdhëniet Kosovë-Serbi, nuk ka alternativë tjetër veç dialogut. Mënyra më e mirë për ta bërë Evropën më të sigurt, është njohja e pavarësisë së Kosovës dhe dhënia e vendit që i takon në çdo forum ndërkombëtar”, u shpreh Hasani.
LEXONI GJITHASHTU:
- Samiti i OSBE në Shkup, flet Bujar Osmani: Të zbatojmë aktin e Helsinkit
- Ministri izraelit në Shkup: Bota të bashkohet që ta çlirojmë Gazën nga Hamasi
