Haxhi: Sasia e tepërt e metadonit mund të shkaktojë vdekjen ashtu si heroina

Toksikologu Alban Haxhi foli në lidhje me vdekjen e të riut Jani Rustemi që ndërroi jetë në spital disa ditë më parë.

Në një intervistë për emisionin “Good Morning Albania” në Euroneës Albania, Haxhi theksoi se të riut mund t’i jetë dhënë metadoni si terapi zevëndësuese e heroinës, duke qenë se i riu ishte përdorues i kësaj të fundit.

Më tej, ai theksoi se përdorimi i tepërt i metadonit mund të shkaktojë vdekjen ose gjendjen e komës.

“Metadoni përdoret si terapi zevëndësuese për të lënë heroinën. Ti kalon nga heroina që merret me shiringa e me hundë në metadon që merret në dozë ditore dhe është njësoj si ato tjerat. Sasia e tepërt e metadonit mund të shkaktojë vdekje e koma, siç mund të shkaktojë heroina. Duhet të konfirmohet nëse ka qenë përdorues apo jo, dhe sa kohë është shkëputur nga drogërat.

LEXONI GJITHASHTU: 

• Çfarë është kanabis “Gorilla”? Gazetari: Po mbillet në Shqipëri, 4.500 euro 1 kg
• Asambleja e NATO-s i quan gjenocid krimet e Rusisë në Ukrainë