“Hetimi i Ahmetajt arritje e SPAK”, avokati: Në 30 vjet kush është goditur më lart?!

Avokati Arbër Hoxha tha në emisionin Now në Euronews Albania se dosja ndaj ish-zv.kryeministrit Arben Ahmetaj nga ana e SPAK është një arritje e Prokurorisë së Posaçme.

Sipas tij, SPAK arriti që përmes hetimit të thellë digjital të rikuperonte bisedat e ish-zyrtarit të lartë me Klodian Zoton, duke provuar tej çdo dyshimi akuzat ndaj Ahmetajt.

“Duhet thënë që kur u nda procedimi i Ahmetajt me fraksione, të gjithë në sistemin e drejtësisë besuan se Ahmetaj kërkohej të shpëtohej nga prokurorët. Më pas rezultoi se u kryen veprime hetimore që nëse ndaj Kokës ka dyshim të arsyeshme që nuk arrihet të provohet, në rastin e sekuestrimit të telefonit të Ahmetaj dhe rikuperimit të bisedave arrijnë të provojnë tej çdo dyshimi në rastin e Ahmetajt që me të ardhur përgjigjja nga sektori digjital pranë BHK, SPAK ka kërkuar menjëherë arrestimin. Më thonë në 30 vjet demokraci kush është goditur më lart se kaq? Për mua është arritje e SPAK”, tha avokati.

LEXONI GJITHASHTU:

• VOA: Ahmetaj u largua pak orë para kërkesës për arrestim, sinjali i fundit Kanadaja
• Kërkesa e SPAK për arrestimin e Ahmetajt, shtyhet mbledhja e Këshillit të Mandateve