Hetimi i SPAK për tenderat e AKSHI-t, arrest shtëpie për drejtoreshën Karçanaj

Agjentët e BKH zbarkuan te Kodra e Diellit këtë të martë në Tiranë, ndërsa ushtruan kontrolle me vendim të GJKKO dhe kërkesë të SPAK.

Aksioni i sotëm zhvillohet për një dosje në hetim nga prokurori i SPAK, Bledar Maksuti ndërsa sipas informacioneve paraprake janë lëshuar edhe masa sigurie.

Hetimi i SPAK ka të bëjë me një dojse ku të dyshuarit akuzohen për shkelje të barazisë në tendera, pastrim parash dhe shpërdorim detyre.

Sipas të dhënave paraprake, GJKKO ka vendosur masën ‘arrest shtëpie’ për drejtoreshën e AKSHI-t, Mirilinda Karçanaj. Po ashtu, GJKKO ka caktuar masën ‘arrest me burg’ për dy biznesmenët, Ermal Beqiraj dhe Ergys Agasi.

Lidhur me të njetin hetim është pezulluar nga detyra zv/drejtorit i Policisë së Tiranës, Erion Ismaili.

Kujtojmë që drejtoresha e Agjencisë Kombëtare të Shoqërisë së Informacionit (AKSHI), Mirlinda Karçanaj u paraqit më 3 dhjetor në Prokurorinë e Posaçme.

LEXONI GJITHASHTU:

• Detajet: Kush janë 8 personat me masë sigurie nga SPAK për tenderat e AKSHI-t
• BKH zbarkon në Policinë e Tiranës, pezullohet zv/drejtori, Erion Ismaili
• Drejtoresha e AKSH-it, Mirlinda Karçanaj paraqitet në SPAK
• Ish-kryeprokurori “zbërthen” përplasjen e Kryeministrit me BKH-në: I tha mos hajdeni
• EKSKLUZIVE/ BKH reagon për “Now” pas ‘përplasjes’ me Kryeministrin Rama