23 mijë e 74 qytetarë kanë të drejtë vote këtë të dielë në Himarë për të zgjedhur kryetarin e ri të bashkisë. Nga ora 7 e mëngjesit deri në orën 19 qytetarët mund ushtrojnë të drejtën e tyre në 36 qendra votimi.

Në harkun kohor 15 muajve, qytetarët e Himarës i drejtohen për herë të dytë kutive të votimit për të zgjedhur kryetarin e ri të bashkisë.

Këtë të dielë, të drejtën për të votuar e kanë 23 mijë e 74 zgjedhës, sipas listës së përpiluar nga Drejtoria e Përgjithshme e gjendjes civile.

Qytetarët e bashkisë Himarë do t’i drejtohen 36 qendrave të votimit për të zgjedhur një prej dy kandidatëve nga ora 7:00 e mëngjesit deri në orën 19:00.

Krahasuar me zgjedhjet e 14 majit 2023, në këtë bashki janë të regjistruar 311 votues më shumë.

Pas mbylljes së orarit zyrtar të votimit, kutitë do të numërohen në të vetmen KZAZ në Himarë, atë numër 88.

Për identifikimin e zgjedhësve do të implementohet sistemi elektronik i identifikimit të votuesve dhe do të përdoren pajisje elektronike të identifikimit  të cilat do të bëjnë të mundur identifikimin e saktë të zgjedhësve.

Zgjedhësi do të paraqitet në qendrën e tij të votimit me letërnjoftim ose pasaportë biometrike për tu identifikuar përmes pajisjes PEI, ku përvec dokumentit të identifikimit do të lërë edhe shenjat e gishtrinjëve të cilat do të shërbejnë për të evidentuar rastet e votimit të paligjshëm.

LEXONI GJITHASHTU:

• Zgjedhjet e 4 gushtit, opozita mban në Himarë mitingun përmbyllës të fushatës
• Rama nga Himara për turizmin në vend: Numri është rritur me 150%, ka shumë ofertë