“Hiqni sanksionet mbi Sirinë”, vajza siriane u lutet ndërkombëtarëve

Siriania Patricia Alchaib, u ka bërë thirrje ndërkombëtarëve që të heqin sanksionet ndaj Sirisë pasi vendi është në situatë kaotike si pasojë e tërmetit tragjik, që ka marrë mijëra jetë njerëzish.

Në një intervistë për emisionin ‘Good Morning Albanians’ në Euronews Albania, ajo theksoi se për shkak të sanksioneve nuk mund të ndihmojnë dot familjet e prekura nga tërmeti, gjë e cila do të ndryshonte nëse sanksionet do të hiqeshin.

“Për shkak të sanksioneve që zbatohen mbi Sirinë nuk mund të sigurohet jetesa për familjet e prekura nga tërmeti. Siria është e dëmtuar ekonomikisht për shkak të sanksioneve dhe nuk është e mbështetur mjaftueshëm si shtet  në situate të tilla. Shpresoj që të hiqen këto sanksionet. Të gjitha sanksionet e vendosura  po na pengojnë që të ndihmojmë njerëzit. Nëse hiqen sanksionet mund të kemi karburant, elektricitet , mund të kemi spitale dhe staf mjekësor”- tha ajo.

LEXONI GJITHASHTU: 

• Rrëfimi tronditës: Sirianët e plagosur nga tërmeti po vdesin pasi s’ka staf mjekësor
• Siriania me lot në sy: Askush nuk po na ndihmon ne, vetëm Turqinë