16 skuadrat e kualifikuara në fazën me eliminim direkt të Champions League kanë njohur kundërshtarët e tyre.
Shorti është hedhur mesditën e së hënës, ndërsa nuk mungojnë përballet interesante. Nënkampionët e Evropës, Interi do të përballen me Atletikon e Madridit, ndërsa një tjetër sfidë që spikat është ajo mes Napolit dhe Barcelonës.
Shorti është treguar i butë me një pjesë të skuadrave të mëdha, si Bayern i cili sfidohet nga Lazio apo Manchester City i cili do të ndeshet me Kopenhagenin, që mbërrin në këtë fazë të trofeut për herë të dytë në histori. Kampionët në fuqi kanë shancin më të mirë të kalojnë më tej, edhe pse Kopenhagen nuk duhet nënvlerësuar.
PSG e kualifikuar në këtë fazë si vend i dytë përballet me surprizën Sociedad, ndërsa Dortmundi udhëton drejt Holadnës ku e pret PSV Eindhoven. Portugezët e Porto u shortuan përballë Arsenalit, e cila vjen me synime të mëdha, ndërsa Leipzig me gjigantët e Realit të Madridit.
Ndeshjet e para të fazës me eliminim direkt luhen në shkurt dhe ato të kthimit në muajin mars.
LEXONI GJITHASHTU:
- Reali dhe “tersi” i penalltive/ Madrilenët s’ kanë shënuar në Champions dhe La Liga
- Mbrëmje magjike në Champions, 31 gola në 8 përballjet e luajtura