Historia e Shqipërisë në 7500 foto, Fototeka sjell pamjet e rralla që nga viti 1865

Këto foto janë të realizuara ndër shekuj dhe janë publikuar, shumica e tyre, për herë të parë.

Rubens Shima, kurator i “Fototeka”, i këtij muzeu digjital, tregon se janë më shumë se 7500 foto të hedhura në këtë platformë.

“Fototeka është një arkik që gjurmon dhe publikon trashëgiminë në territoret shqiptare. Hidhet dritë mbi mënyrën e jetesës së shqiptarëve, të huajve që kanë jetuar, arkitekturës, historisë”, thotw Shima.

Janë 40 koleksione të ndryshme, që pasqyrojnë jetën në Shqipëri. Personazhe të njohur si mbreti Zog, Princ Vidi, qytetarë të thjeshtë, të gjithë janë hedhur në këtë muze.

Në këtë foto shihet mbreti Zog në zyrën e tij. Fotoja është realizuar në vitin 1930 nga Otello Renzoni. Një tjetër imazh tregon Ahmet Zogun me veshje kombëtare, i paraqitur si Skënderbeu i ri. Fotografi është i panjohur.

“Ka foto shumë të hershme, por fototeka e fillon diku në fundin e shekullit të 19, i takojnë viteve 1865, prej një shtrirjeje gjati një shekullore”, shprehet kuratori.

Kushdo që kërkon të këtë pjesë të tij imazhe nga kjo platformë, mund t’i aksesojë ato falas. Ndërkohë, kjo është vetëm faza e parë e një sërë imazhesh që tregojnë historinë e fotografisë shqiptare.

LEXONI GJITHASHTU:

• Ekspozita e veçantë për mbretëreshën Elizabeth dhe qentë e saj
• Çelet ekspozita në Gjirokastër për 115 vjetorin e shkollës ‘liria’