Hoti: BE të kushtëzojë Serbinë, të pagjeturit të mos trajtohen politikisht

Kryetari i Komisionit Qeveritar për Personat e Pagjetur, Andin Hoti tha se janë duke punuar shumë edhe në dialogun Kosovë-Serbi për këtë çështje.

“Ne kemi kërkuar dhe po insistojmë dhe nga Bashkimi Evropian që çështja e personave të zhdukur të trajtohet vetëm në mënyrë humane dhe jo ndryshe, jo ashtu siç deri më sot Serbia e ka trajtuar në mënyrë politike,” – u shpreh Hoti.

Ai tregoi se kanë kërkuar një garanci nga BE-ja që të shtojnë trysninë mbi Serbinë, por sidoqoftë pohoi se nuk janë afër qëllimit.

Hoti shtoi se nga pala serbe kanë kërkuar të publikojnë të gjitha dokumentet sekrete dhe jo sekrete nga koha e luftës.

Kryetari i Komisionit Qeveritar për Personat e Pagjetur tha se kanë nisur kërkimet në një lokacion dhe kanë informacione për vendndodhje të tjera të cilat do i bëjnë publike sapo të nisi procesi. Sipas tij vendet partnere kanë ndihmuar në gjetjen e lokacioneve të mëparshme, ndërsa tani me luftën Rusi-Ukrainë janë në pritje të imazheve të tjera satelitore.

LEXONI GJITHASHTU:

• Hapet ekspozita në Prishtinë në kujtim të mbi 1600 të pagjeturve në Kosovë
• Më shumë se 1,600 persona rezultojnë të zhdukur gjatë luftës në Kosovë