Organizata Botërore e Shëndetësisë paralajmëroi se fundmi për një rritje të rrezikut të sëmundjeve seksualisht të transmetueshme si dhe shtatzënisë së padëshiruar për shkak të përdorimit të reduktuar të prezervativëve tek të rinjtë.

Sipas një raporti të OBSH-së, pothuajse një e treta e adoleshentëve (30 për qind) raportuan se nuk përdornin prezervativ ose pilula kontraceptive gjatë marrëdhënieve seksuale, domethënë midis 2014 dhe 2022, përqindja e të rinjve seksualisht aktivë që përdorën një prezervativ gjatë seksit ra nga 70 në 61 për qind tek të rinjtë dhe nga 63 në 57 për qind tek vajzat.

Olimbi Hoxhaj, drejtore ekzekutive e Shoqatës së Personave të prekur me HIV/AIDS tha në emisionin People në Euronews Albania se sëmundjet seksualisht të transmetueshme janë një kambanë alarmi për shoqërinë. ajo tregoi se vetëm në 6 mujorin e parë të vitit janë të paktën 80 raste të infektuara me HIV/ AIDS në vendin tonë.

“Vetëm për 6 mujorin e parë kemin 80 raste të infektuara me HIV, ndërkohë që shumica kanë edhe bashkinfeksion sifiliz apo papiloma virus. Ndërkohë, mesatarisht 100 raste kemi pasur gjithë vitin, janë grupmosha të reja. Ka edhe raste që kanë kërkuar profilaksi dhe nuk e kanë gjetur dhe kanë ardhur si pacientë. Po flasim për grupmosha aktivisht aktive që nuk mendojnë me logjikë”, tha ajo.

LEXONI GJITHASHTU:

• OBSH tejkalon objektivin e numrit të vaksinimeve kundër poliomieltit, ja shifrat
• OBSH nis planin strategjik për të frenuar shpërthimin e virusit mpox