Humbi gruan pas lindjes, babai: 3 vajzat po vuajnë humbjen e nënës, s’di ku do jetojmë

Një grua në Berat humbi jetën pas lindjes së fëmijës së saj. 39-vjeçari nga Kosova, Fisnik Habibi tregoi se bashkëshortja po sillte në jetë fëmijën e tretë me operacion.

Operacioni kaloi me vështirësi dhe mundime, derisa gjendja e gruas pas lindjes vetëm sa shkonte keqësohej. Kështu ata u detyruan të nisen për në Itali, me shpresë që Miljeta Sadushi do të gjente shërim, por për fat të keq ajo nuk arriti të mbijetojë. Miljeta vdiq duke lënë pas bashkëshortin me tre fëmijë të vegjël në shtëpi.

Në një intervistë për emisionin GoodMorning Albanians në Euronews Albania, 39-vjeçari u shpreh se tre vajzat e kanë kuptuar se çfarë ka ndodhur dhe kërkojnë drejtësi për nënën e tyre.

“Vajzat e dinë gjithçka, vetëm duan drejtësi, më thonë që duan të dinë se çfarë ndodhi me mamin. Janë shumë të forta, komunikoj me to sikur të jenë të rritura por duan përgjigje edhe ato për nënën e tyre. Kështu siç kam mbetur si një njëri pa shtëpi nuk e di ku do jetoj, në Kosovë apo në Shqipëri, kam ngelur si një traget pa busull”, tha ai.

LEXONI GJITHASHTU:

• Gruaja humbi jetën gjatë lindjes, bashkëshorti: Kërkoj drejtësi
• Aksident në Rrugën e Kombit, humb jetën efektivi i policisë së Mirditës