Humbi të dyja këmbët në luftë, tani veterani është njeriu më i njohur në Ukrainë

Kur një predhë shpërtheu pranë Oleksandr Budkos, 26-vjeçari e gjeti veten me “dhimbje të tmerrshme” nga dëmtimet që do të çonin në humbjen e të dy këmbëve.

Ushtari ukrainas po luftonte për të mbrojtur rajonin verilindor të Kharkivit nga pushtimi i forcave ruse në gusht 2022, kur njësia e tij u sulmua.

Sot, dy vjet më vonë, ai është ylli i një reality show televiziv në të cilin shumë gra luftojnë për dashurinë e tij.

“Ky shfaqje ndiqet nga miliona njerëz dhe paraqet një mundësi të madhe për të ndikuar pozitivisht në këndvështrimin e tyre,” thotë ai.

Ai dëshiron të tregojë se veteranët e lënduar janë “anëtarë të plotë të shoqërisë që po bëjnë një jetë të mirë.”

“Në rastin tim, jeta ime tani është edhe më e mirë se para luftës, më mirë se përpara se të lëndohesha”.

Reality show i quajtur Legs Off, të cilin Oleksandr prezanton, tregon vështirësitë me të cilat përballen personat me aftësi të kufizuara ndërsa lëvizin nëpër qytetet e Ukrainës.

Përveç show-t, veterani ka shkruar gjithashtu një libër, ka fituar medalje në Lojërat Invictus dhe ka performuar me një trupë baleti në SHBA, të gjitha gjatë shërimit nga lëndimet e tij.

LEXONI GJITHASHTU:

• Ukraina dhe Rusia këmbejnë të burgosur të luftës
• Dy javë nga inkursioni ukrainas, ISL: Rrëzoi mitin e Rusisë, ja çelësi i suksesit