Hungaria ka ndaluar mbledhjen e taksave për tokën bujqësore duke ndryshuar Ligjin për taksat lokale, i cili do të hyjë në fuqi më 1 shtator.
Qeveria dhe parlamenti hungarez kanë reaguar ndaj njoftimit të disa vetëqeverisjeve lokale se mund të vendosin këtë taksë për të plotësuar buxhetin.
“Deri më tani në Hungari nuk paguhej asnjë taksë për tokën bujqësore, por disa qeveri lokale donin të vendosnin këtë taksë për të plotësuar të ardhurat e tyre. Kjo shkaktoi një rebelim të madh të fermerëve, ndaj qeveria duhej të reagonte. U miratua një ligj që ndalon çdo autoritet të taksojë tokën bujqësore, sepse është në interesin kombëtar që toka të kultivohet dhe që fermerët hungarezë të jenë konkurrues në treg”, tha për RTS Ljubomir Aleksov, përfaqësuesi i komunitetit serb në Parlamentin hungarez. .
Siç tha ai, fakti që Hungaria është anëtare e Bashkimit Evropian ka përparësi nga njëra anë, por nga ana tjetër ka rregulla rigoroze që duhen ndjekur.
LEXONI GJITHASHTU:
- Orban fton liderët e Ballkanit, Hungaria kërkon linja të reja bashkëpunimi ekonomik
- Vendi i BE pa gra në kabinet, Hungaria 14 poste ministrore me burra
