Një 58-vjeçar, i dënuar me 10 vite burg për tentativë vrasjeje, është arrestuar këtë të shtunë nga policia e Elbasanit. Luan Taragjini, banues në fshatin Grabovë, ishte shpallur në kërkim kombëtar pasi Gjykata e Apelit të Juridiksionit të Përgjithshëm Tiranë, me vendim të datës 21 tetor 2024, e dënoi me 10 vite burg për veprën penale “Vrasje me dashje” mbetur në tentativë.
Ngjarja për të cilën akuzohet Taragjini daton në shtator 2017, kur ai tentoi të vrasë me armë gjahu shtetasin L. T. në fshatin Lenie.
Sipas njoftimit të policisë, arrestimi i tij u bë i mundur falë një operacioni të organizuar nga strukturat hetimore të DVP Elbasan, në bashkëpunim me Shërbimet e Komisariatit të Policisë Gramsh dhe Forcën Operacionale.
Operacioni, i koduar “Wanted”, çoi në arrestimin e Taragjinit në zonën e Gramshit.
LEXONI GJITHASHTU:
- Detaje nga zbulimi i laboratorëve të kokainës, operacioni në disa qytete
- Brenda vilës te Kodra e Diellit, shërbente si laborator droge: Detaje nga operacioni
