I dënuar për dhunë në familje dhe vrasje, ja kur u lirua nga burgu Ramazan Hutra

Dy gra kanë humbur jetën dhe disa persona janë plagosur nga të shtënat në Paskuqan.

Ramazan Hutra, ish-dhëndri ka qëlluar me automatik drejt ish-bashkëshortes dhe familjarëve të saj. Burime për Euronews Albania konfirmojnë se ai ka dalë nga burgu me shuarje mase më 16 shkurt 2023.

Po të njëjtat burime konfirmojnë se 41-vjeçari më herët ka vuajtur edhe një dënim për vrasje duke qëndruar në burg nga viti 2007 në vitin 2021.

Viktima mbetën, Mevlute Hysa 30 vjeçe, motra e ish-bashkëjetueses së tij dhe Hasime Dafku 30 vjeçe, e fejuara e vëllait të ish-bashkëjetueses.

Gjithashtu si pasojë e të shtënave u plagosën dhe ish-bashkëjetuesja e tij Elena Hysa, 35 vjeçe, dhe nëna e saj Kujtime Hysa, 60-vjeçe.

Një kushërirë e familjes ka dëshmuar se ish-gruaja ka pasur një fëmijë me autorin e ngjarjes, një vajzë 4-muajshe dhe ishte në pritje të fëmijës së dytë. Prej 7 apo 8 muajsh sipas dëshmisë së zonjës ata ishin ndarë.

LEXONI GJITHASHTU:

• “Ai ishte i dhunshëm”, shpërthen në lot e afërmja e familjes në Paskuqan
• Pamje nga vendngjarja, identifikohet njëra viktimë dhe të plagosurit në Paskuqan