I dërguari i SHBA në Kosovë| Diplomati zbardh arsyet e vizitës “urgjente” të Kasanof

Deputeti i Kuvendit të Kosovës, Haki Abazi ishte këtë të premte i ftuar në “Balkan Talks” në Euronews Albania ku komentoi vizitën e të dërguarit të SHBA-së në Kosovë.

Ai tha se  vizita e Alexander Kasanof është e një rëndësie të veçantë pasi nëpërmjet tij SHBA ka treguar përkushtimin për arritjen e paqes dhe sigurisë si edhe për avancimin e vendeve të Ballkanit perëndimor drejt integrimit euro-atlantik.

“Vizita është natyrisht e rëndësisë së lartë. SHBA nëpërmjet ambasadorëve në rajon apo përfaqësuesve special ka treguar përkushtimin, zotimin dhe qëndrimin konsistent të politikës së jashtme në dy prioritete kryesore, njëra që të mirëmbahet paqja dhe siguria dhe e dyta avancimi i shteteve të Ballkanit Perëndimor drejt integrimit euro-atlantik.

Një gjë që u vu re nga vizita është mos ndryshimi asnjë milimetër i qëndrimeve të administratës Biden dhe shteteve të Bashkuara të Amerikës edhe për Kosovën edhe për Serbinë, por edhe për gjithë rajonin e Ballkanit perëndimor. Sa i përket mbështetjes dhe synimeve të shteteve të bashkuara të Amerikës për at përfunduar njëherë e mirë procesin e integrimit euro-atlantik.

Sigurisht Serbia është në një pozicion tjetër, por megjithatë është pjesë e partneritetit për paqen me NATO-n gjë që shënon rëndësi të veçantë sa i takon nivelit të bashkëpunimit atje. Natyrisht edhe gjëja tjetër që ishte po ashtu e qartë, që nuk la vend për dyshim se ka ndonjë ndryshim nga qëndrimet që ka pasur Escobar”,-tha Abazi.

LEXONI GJITHASHTU:

• Osmani takon Kasanof: Kosovës i duhet dialog strategjik me SHBA-në
• Osmani takon Kasanof: Kosovës i duhet dialog strategjik me SHBA-në