Një sasi lënde plasëse i është vendosur makinës tip ‘Audi’ në pronësi të kreut të Rithemelimit në Vaun e Dejës, Benard Ndreca. Ngjarja ka ndodhur rreth orës 7:10 të mëngjesit.

Gazetari i Euronews Albania, Teodor Gjerga tha se deri më tani dyshimet e vetme të Ndrecës lidhen me fillimin e fushatës zgjedhore, pasi ai është shprehur se nuk ka konflikte të mëparshme me askënd.

“Aktualisht, në afërsi të banesës ndodhen forca të shumta të policisë, por edhe drejtues të grupit të rithemelimit si edhe kandidati për kryetar bashkie i kësaj force, zoti Zef Hila. Gjithashtu ndodhet edhe deputetja Greta Bardeli, e cila pritet që më vonë të ketë një deklaratë sa i takon kësaj ngjarje të rëndë të ndodhur në prag të nisjes së fushatës së zgjedhjeve vendore të 14 majit.

Të vetmet dyshime deri në këto momente janë ato të lidhura me fushatën elektorale. Nga deklarimet paraprake të zotit Ndreca është shprehur se nuk ka konflikte apo hesape me dikë tjetër, ndaj dyshimet e vetme lidhen me fillimin e fushatës elektorale”, -tha gazetari.

LEXONI GJITHASHTU:

• Tritol makinës së kreut të ‘Rithemelimit’ në Vaun e Dejës, Benard Ndreca
• Zjarri i madh në Korenë e Jugut, qindra njerëz evakuohen