I iku policisë gjatë aksionit antidrogë në Lezhë, kapet në taksi në Tiranë i riu
Policia ka arrestuar në Tiranë një 36-vjeçar të shpallur në kërkim, i dyshuar si pjesë e një grupi kriminal që vepronte në fushën e kultivimit, prodhimit dhe shitjes së lëndëve narkotike në qarkun e Lezhës.
Arrestimi i tij u bë në kuadër të operacionit të koduar “Vakumi”, që vijon prej disa ditësh me qëllim goditjen e veprimtarive kriminale në fushën e narkotikëve.
Arrestimi i 36-vjeçarit u bë ndërkohë që ai udhëtonte me një taksi në kryeqytet.
Ky shtetas ishte shpallur në kërkim pasi dyshohet se pesë ditë më parë, në fshatin Balldre, në bashkëpunim me një tjetër shtetas, D. N., i arrestuar në flagrancë, po transportonte rreth 34 kilogramë lëndë të dyshuar narkotike të llojit cannabis sativa.
Sipas Policisë, gjatë ndërhyrjes së uniformave blu në momentin e ngarkesës, 36-vjeçari ka përfituar nga errësira dhe njohja e terrenit për t’iu shmangur arrestimit, por hetimet e mëtejshme dhe inteligjenca informative bënë të mundur lokalizimin dhe ndalimin e tij.
“Shërbimet e Drejtorisë Vendore të Policisë Lezhë, bazuar në informacionet e siguruara nga inteligjenca informative, për vendndodhjen e një shtetasi të shpallur në kërkim në kuadër të operacionit të koduar “Vakumi”, kanë bashkëpunuar me shërbimet e Komisariatit të Policisë Nr. 3, Tiranë, për lokalizimin dhe kapjen e tij. Si rezultat, u kap në Tiranë ndërkohë që udhëtonte me taksi dhe u vu në pranga shtetasi: M. N., 36 vjeç, banues në Lezhë”, njoftoi policia.
Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Lezhë, për veprime të mëtejshme.
LEXONI GJITHASHTU:
“Linja hekurudhore Tiranë-Durrës drejt elektrifikimit”, Karakaçi: Do të jetë funksionale deri në fund të 2027
Plagosja në Poliklinikën e Shkodrës, vëllai i 32-vjeçarit tentoi të vriste autorin e dyshuar, arrestohet nga policia
Berisha uron drejtuesit e rinj të PD: Vota e lirë në themel të kësaj force politike
- 14:12 Trump shkarkon prokurorin federal të Seattle vetëm një orë pas emërimit nga gjykata
- 14:04 “Linja hekurudhore Tiranë-Durrës drejt elektrifikimit”, Karakaçi: Do të jetë funksionale deri në fund të 2027
- 13:48 Deklaratat e Paunoviq kundër Kosovës, Marta Kos: E habitshme që vazhdon të jetë ministre
- 13:32 Kremlini vlerëson Turqinë për ndërmjetësimin mes Ukrainës dhe Rusisë: Mirënjohës për përpjekjet për paqe
- 13:26 Berisha për deklaratën e ministres serbe: Kërkuam shpalljen non-grata, qeveria heshti
- 13:20 Shkarkimi i ministrit të Mbrojtjes ndez protesta në Ukrainë, qindra qytetar kundër këtij vendimi