Avokati Ylli Kameri është shprehur se njerëzit e përjetojnë në mënyrë të vazhdueshme gjatë gjithë jetës së tyre cënimin e nderit dhe dinjitetit.
Komentet Kameri i bëri në emisionin “Good Morning Albanians” në Euronews, ku tregoi edhe një histori të ndodhur në një qytet në veri të Shqipërisë, ku një person vrau dikë tjetër pas 32 vitesh, pasi ai i kishte ngrënë veshin kur ishin fëmijë.
Ai tha gjithashtu se ndikim në këto ngjarje ka edhe qëndrimi i shoqërisë ndaj personave që kanë mungesë kulture dhe ekuilibri në jetën e tyre.
“Kemi një rast në një qytet verior, pas 32 vitesh ndodhi një vrasje. I kishte ngrënë veshin kur ishin fëmijë, siç luajnë fëmijët dhe vrasja ndodhi pas 32 vitesh. Njerëzit e përjetojnë cënimin e nderit dhe dinjitetin gjatë gjithë jetës.
Shqetësimi im fillestar në shoqërinë tonë është lehtësia me të cilën gjendet arma. Duhet të dorëzohen armët, i vetmi armëmbajtës duhet të jetë shteti.
E dyta është qëndrimi ndaj personave që kanë mungesë kulture dhe ekuilibri në jetën e tyre. Ka hatërmbetje nga fëmijëria të jashtëzakonshme në shoqërinë tonë, që nuk janë trajtuar. Pasojat janë të paparashikueshme, sidomos kur e gjen lehtësisht një armë”, tha Kameri.
LEXONI GJITHASHTU:
